कंगना रनावत र राजकुमार राव स्टारर फिल्म ‘जजमेन्टल क्या है’ विवादमा एकपटक हैन, पटकपटक मुछिएको छ । यो फिल्म घोषणाको समयदेखि नै बलिउडमा चर्चा छ । फिल्मको प्रचारका दौरान पनि कंगनाको पत्रकारसँग झडप भएको थियो ।

अहिले यो फिल्मको पोस्टरमाथि चोरीको आरोप लागेको छ । हंगेरीकी फोटोग्राफर तथा भिजुअल आर्टिस्ट फ्लोरा बोर्सीले चोरीको आरोप लगाएकी छिन् । ‘जजमेन्टल क्या है’ को पोस्टर ती आर्टिस्टको तस्वीरसँग धेरै मिल्छ ।

this movie poster plagarised my art! Could someone explain what’s happening, please? This is not right. #JudgementallHaiKya @balajimotionpic @sheenagola ?? pic.twitter.com/0yLLmM1mBS

— Flora Borsi (@FloraBorsi) July 29, 2019

उनले लेखेकी छिन्, ‘यो फिल्मको पोस्टरले मेरो कलाको चोरी गरेको छ, कसैले मलाई बताउन सक्छ कि, यो के भइरहेको छ? यो पक्कै पनि राम्रो होइन ।’

यो ट्वीटसँग फ्लोराले राजकुमार रावको ट्वीटलाई पनि रिट्वीट गरेकी छिन् । उनले लेखेकी छिन्, यो पोस्टर देखेर मलाई यस्तो लागिरहेको छ कि, यो मेरो नै काम हो ।

फ्लोराले फेसबूकमा पनि दुवै पोस्टर जोडेर फरक छुट्याउन आफ्ना साथीहरुलाई आग्रह गरेकी छिन् । यसबारेमा फिल्म युनिट भने चुप छ ।