काठमाडौं– राष्ट्रिय स्वतन्त्र पार्टी रास्वपाका सभापति रवि लामिछाने र अन्य तीन संसदहरुले सार्वजनिक सुनुवाइ कार्यक्रम गर्ने भएका छन् ।

लामिछानेसहित उपसभापति तथा सांसद डोलप्रसाद अर्याल संसदहरु गणेश पराजुली र शिशिर खनालले सार्वजनिक सुनुवाइ गर्न लागेका हुन् ।

सभापति लामिछानेले पुस १२ गते चितवन २ को खोलेसिमलमा सार्वजनिक सुनवाइ गर्न लागेका छन् । यस्तै सांसदहरू पराजुली र खनालले काठमाडौँ ७ गते शनिबार सुनुवाइ कार्यक्रमको आयोजना गर्नेछन् ।

यस्तै, उपसभापति अर्यालले आफ्नो क्षेत्र धादिङमा पुस १३ गते सुनुवाइ गर्न लागेका छन् ।

सभापति लामिछानेको यो दोस्रो सार्वजनिक सुनुवाइ कार्यक्रम हो भने अन्य तीन सांसदले पहिलो पटक गर्न लागेका हुन् । लामिछानेले पहिलो पटक गत भदै १० गते सार्वजनिक सुनुवाइ गरेका थिए ।

सुनुवाइ कार्यक्रम सम्बन्धित जिल्लाका सरकारी निकाय प्रमुख तथा तोकिएको व्यक्ति, सर्वसाधारणको उपस्थित हुने रास्वपा उपसभापति अर्याल बताउँछन् । उनका अनुसार कार्यक्रममा प्रश्न उत्तर पनि हुने छ ।