इन्डिएन प्रिमिएर लिग (आईपीएल) क्रिकेटको अक्सनमा स्पिनरमाथि अधिकांश टोलीले चासो देखाएका छैनन् ।

युएईमा चलिरहेको आईपीएल मिनि अक्सनमा अस्ट्रेलियाका तीव्र गतिका बलर मिचेल स्टार्कलाई कोलकत्ता नाइट राइडर्सले कीर्तिमानी मूल्य २४ करोड ७५ लाख भारुमा अनुबन्ध गरेको छ ।

यसअघि आजै अस्ट्रेलियाका बलर प्याट कमिन्समाथि सनराइजर्स हैदराबादले २० करोड ५० लाख भारुमा अनुबन्ध गरेको थियो ।

बलरमाथि आईपीएल टिमले कीर्तिमानी मूल्य लगाउँदा प्रभावशाली स्पिनर किन्न कुनै पनि टोलीले चासो देखाएका छैनन् ।

अफगानिस्तानका स्पिनर मोहम्मद वाकर, इंग्ल्याण्डका स्पिनर अदिल रासिद, वेष्ट इन्डिजका अकेल होसीन, न्युजल्याण्डका इज सोधी, साउथ अफ्रिकाका स्पिनर तब्रेइज साम्सी माथि कुनै पनि टिमले किन्न चासो देखाएनन् ।