च्याम्पियन्स लिग फुटबलको अन्तिम १६ को ‘ड्र’ सार्वजनीक भएको छ ।

सोमबार भएको ‘ड्र’ अनुसार इङ्लिस क्लब आर्सनलले एफसी पोर्टोसँग अन्तिम १६ मा खेल्नेछ ।

यस्तै, स्पेनिस क्लब बार्सिलोनाले इटालियन क्लब नापोलीलाई प्रतिद्धन्दीको रुपमा पाएको छ ।

फ्रान्सको पेरिस सेन्ट जर्मेन पीएसजीले रियल सोसिडाडसँग खेल्नेछ ।

सिरि एको इन्र मिलानले एट्लेटिको मड्रिडसँग खेल्दा बोरुसिया डर्टमण्डको भेट पीएसी इन्दोभेनसँग हुनेछ ।

प्रि-क्वार्टरफाइनलकै अन्य खेलमा लाजियोले बायर्न म्युनिखसँग, एफसी कोपनहेगनले म्यानचेस्टर सिटीसँग र आरबी लाइपेजिगले रियल मड्रिडसँग खेल्नेछ ।

अन्तिम १६ को पहिलो लेगको खेल फेब्रुअरी १३, १४ र २०,२१ मा खेलिनेछ भने दोस्रो लेग मार्च ५,६ र १२,१३ मा हुनेछ ।