काठमाडौं_ दुर्लभ वन्यजन्तु सालकको खपटासहित तीन जना पक्राउ परेका छन् ।

पक्राउ पर्नेमा दोलखा गौरीशंकर गाउँपालिका-१ का २० वर्षीय अमृत लामा, सोही जिल्ला जिरी नगरपालिका-३ का  २५ विशाल बस्नेत र सोही नगरपालिका-४ का २७ वर्षीय सुकविर तामाङ रहेका छन् ।

शुक्रबार काठमाडौंकाे पेप्सीकोलामा दुर्लभ वन्यजन्तु सालकको खपटा बेचबिखन गर्न हिँडिरहेका छन् भन्ने गोप्य सूचनाको आधारमा काठमाडौं उपत्यका अपराध अनुसन्धान कार्यालयबाट खटेको प्रहरी टोलीले चेक जाँच गर्ने क्रममा ४४ इन्च लम्बाई, २१ इन्च चौडाइ रहेको खुट्टाको नङ्ग्रा सहितको सालकको खपटा/छाला जस्तो देखिने बस्तुसहित तीन जना अभियुक्तहरुलाई पक्राउ गरेको हो ।

उनीहरूलाई आवश्यक कारबाहीको लागी डिभिजन बन कार्यालय, हात्तीसार पठाइएको प्रहरीले जनाएको छ ।