कैलाली – प्रा.डा.गोविन्द केसीले कैलालीको लक्ष्मीनारायण मन्दिरमा अनशन सुरु गरेका छन् ।

गेटामा छिट्टै स्वास्थ्य विज्ञान प्रतिष्ठान सञ्चालन गर्नुपर्ने मागसहित गेटामा नै अनशन बस्ने तयारी गरेका केसीलाई दशरथ चन्द स्वास्थ्य विज्ञान विश्वविद्यालय स्थापनार्थ संघर्ष समितिका सदस्यहरुले अवरोध गरेका थिए ।

उनीहरुको अवरोध पछि केसी लक्ष्मीनारायण मन्दिरमा अनशन गर्न पुगेका हुन् ।

सरकारले विगतमा पटक-पटक भएको सहमतिलाई कार्यान्वयन नगरेको भन्दै डा. केसीले आज पत्रकार सम्मेल गर्दै तीनदिन अनशनमा बस्ने बताएका थिए । अनशनका लागि केसी आजै धनगढी गएका हुन ।

डा. केसीले विगतमा भएका सम्झौता, सरकारी अस्पतालमा मागअनुसार दरबन्दी थप गर्दै क्षमता बढाउने र सबै निःशुल्क औषधिहरु पाइने सुनिश्चित गर्ने माग राखेका छन् ।