काठमाडौं – नक्कली भुटानी शरणार्थी प्रकरणमा उच्च अदालतले ३० लाख धरौटीमा छाड्न आदेश दिएसँगै पूर्व गृहमन्त्री एवम् कांग्रेस नेता बालकृष्ण खाणलाई सम्पत्ति शुद्धीकरण विभाग र अख्तियार दुरुपयोग अनुसन्धान आयोग लगिने भएको छ।

उच्च अदालत पाटनका न्यायाधीश कृष्णराम कोइरालाको इजलासले बिहीबार खाणलाई ३० लाख धरौटीमा छाड्न आदेश दिएको हो ।

आदेशसँगै जिल्ला अदालत काठमाडौंमा खाण ३० लाख धरौटी जम्मा गरेर रिहा हुने छन् । यो मुद्दामा रिहा हुने भएपनि केन्द्रीय कारागार सुन्धाराले खाणलाई शुक्रबार सम्पत्ति शुद्धीकरण विभाग र अख्तियार दुरुपयोग अनुसन्धान आयोगको जिम्मा लगाउने तयारी गरेको छ ।

नक्कली मूटानी शरणार्थी प्रकरणमा अभियुक्त बनाइएका सबै प्रतिवादीविरुद्ध सम्पत्ति शुद्धीकरण विभागमा पनि मु्द्दा चलिरहेको छ। यसअघि अदालतले रिहा गर्न आदेश दिएकालाई पनि सम्पत्ति शुद्धीकरण विभागमा लगिएको थियो।

यो पनि…

बालकृष्ण खाणलाई धरौटीमा रिहा गर्न उच्च अदालतको आदेश