काठमाडौँ– यस सिजनको यूईएफए च्याम्पियन्स लिगको अन्तिम १६ को समीकरण पुरा भएको छ । गएराति समुह चरणका खेलहरु सकिएसँगै अन्तिम १६ मा पुग्ने टोलीको टुंगो लागेको हो ।

समुह ‘ए’ बाट बायर्न म्युनिख र कोपेनहेगन, समुह ‘बी’ बाट आर्सनल र पीएसभी, समुह ‘सी’ बाट रियल म्याड्रिड र नापोली, समुह ‘डी’ बाट रियल सोसियडाड र इन्टर मिलान अन्तिम १६ मा पुगेका छन् ।

यस्तै, समुह ‘ई’ बाट एथलेटिको म्याड्रिड र लाजियो, समुह ‘एफ’ बाट डर्टमण्ड र पीएसजी, समुह ‘जी’ बाट म्यानचेस्टर सिटी र आरबी लेइपजिंग तथा समुह ‘एच’बाट बार्सिलोना र पोर्टो रहेका छन् ।

अब अन्तिमम १६ को ड्र डिसेम्बर १८ मा हुने छ भने अन्तिम १६ का खेलहरु फेब्रुअरी र मार्चमा हुने छन्