काठमाडौँ– विशेषगरी मिथिलाञ्चल क्षेत्रमा मनाइने साताव्यापी सीता–राम विवाहपञ्चमी महोत्सवको आज तेस्रो दिन धनुष यज्ञको आयोजना गरी मनाइँदै छ ।
त्रेता युगमा भगवान रामले धनुष यज्ञमा सरिक भएर कसैले उठाउन नसकेको शिव धनुष भाँचेपछि मिथिलाका राजा जनककी छोरी जानकीसित विवाह भएको धार्मिक मान्यता छ ।
सोही मान्यता अनुसार विवाहपञ्चमी महोत्सवको तेस्रो दिन जनकपुरस्थित रामजानकी मन्दिर परिसरमा धनुष यज्ञ आयोजन गरिन्छ ।
आज अपराह्न हुने धनुष यज्ञमा रामको स्वरूपमा सिँगारिएका बालकहरूले धनुषा भाँचेर यो यज्ञ मनाउने तयारी गरिएको जानकी मन्दिर व्यवस्थापन समितिले जनाएको छ । यस वर्ष विवाहपञ्चमी पर्व पुस १ गते परेको छ ।
प्रतिक्रिया