दोलखा– बैतेश्वर गाउँपालिकाले दुहुनो गाईभैंसी पालक किसानलाई प्रोत्साहन गर्ने भएको छ।

पालिकाले दुहुनो गाईभैँसी पालक किसानलाई २५ सयका दरले सुत्केरी स्याहार तथा प्रोत्साहन भत्ता वितरण गर्ने भएको हो। पालिकाले एक सूचना जारी गर्दै चालु वर्ष देखि अध्यक्ष छवि लामाले कार्यपालिकामा छलफल गरी किसानको लाई प्रोत्साहन गर्दै दुध उत्पादनलाई वृद्धि गर्ने योजना अनुसार व्याएर दुध दिरहेका पशुको आहारा व्यवस्थापन तथा उचित स्याहारका लागि सो कार्यक्रम सञ्चालन गर्ने भएको हो ।

पालिकाका पशु अधिकृत शान्ति प्रसाद दहालका अनुसार किसानलाई व्यवसायिक पशुपालनमा प्रोत्साहन गर्दै दुग्ध र मासुजन्य खाद्यवस्तुमा परनिर्भरता घटाउन सो कार्यक्रम सञ्चालन गर्न लागिएको बताए ।

कार्यक्रम अन्तर्गत गाईभैँसी ब्याए एवं दुहुनो भएपछि पशुधनि किसानलाई स्याहार खर्च बापत रु,२५ सय रुपैयाँ उपलब्ध गराइने बताए ।

पशु सुत्केरी स्याहार खर्च प्राप्त गर्नका लागि किसानहरुले पालिकाको पशु विकास शाखामा निवेदन पेश गर्नु पर्ने र पशु बिमागरेको हुनुपर्ने छ ।