काठमाडौं– राष्ट्रिय जनता पार्टी नेपालले आज संसद चल्न नदिने बताएको छ ।

सर्लाहीमा प्रहरीको गोली लागेर मृत्यु भएका दुईवटा घटनाको तत्काल छानवीन गर्न संसदीय समिति नबनाको भन्दै राजपाले संसद चल्न नदिने चेतावनी दिएको हो ।

राजपाका नेता लक्षमण लाल कर्णले सर्लाहीमा भएका मृत्यु प्रकरणको छानवीनका लागि संसदीय समिति गठन नगरे संसद चल्न नदिने बताए ।

नेता कर्णले सर्लाहीमा भएको हत्या प्रकरण गैरन्यायिक र संविधानको बर्खिलापमा रहेको बताए ।

उनले भने,‘हामीले सदनभित्र यो हत्या प्रकरणको बारेमा सत्य, तथ्य छानबिन हुनुपर्छ भनेर आवाज उठाईरहेका छौं । तर, अहिलेसम्म सरकारले संसदीय समिति गठन गरेको छैन् । हामीले आज सम्म संसदीय समिति गठन गर्न माग गरेका थियौं तर हुन सकेको छैन त्यसैले संसद चल्न दिँदैनौं ।’

संसद बैठक सोमबार(आज) दिउँसो १ बजेका लागि बोलाइएको छ ।