काठमाडौँ– इटालियन सिरी ए फुटबलमा एसी मिलानले सानदार जित निकालेको छ । शनिबार राति घरेलु मैदान सान सिएरोमा भएको खेलमा फ्रोसिनोनलाई ३–१ गोल अन्तरले हराउँदै मिलानले जित निकालेको हो ।
मिलानका लागि लुका जोभिच, किस्टियन पुलिसिक र फिकोयो टोमोरीले एक–एक गोल गरेका थिए भने फ्रोसिनोनेका मार्को ब्रेसियानिनीले एक गोल फर्काएका थिए ।
यो जितसँगै १४ खेल खेलेको मिलान २९ अंक जोडेर तेस्रो स्थानमा रहेको छ । पराजित भएको फ्रोसिनोन १८ अंकसहित ११औँ स्थानमा छ ।
शीषस्थानमा रहेको जुभेन्टसको ३३ तथा दोस्रो स्थानको इन्टर मिलानको ३२ अंक छ ।
प्रतिक्रिया