काठमाडौं- विदेश पठाइदिने प्रलोभन दिएर ठगी गरेको आरोपमा एक जना पक्राउ परेका छन् ।

पक्राउ पर्नेमा बाराको जितपुरसिमरा उपमहानगरपालिकाका दिपेश बास्कोटा रहेका छन् । उनले वैदेशिक रोजगारीका लागि सर्बिया पठाइदिने प्रलोभन दिएर ३ जनाबाट १७ लाख १७ हजार रुपैयाँ ठगी गरेको प्रहरीले जनाएको छ ।

उनलाई उनलाई ईलाका प्रहरी कार्यालय सिमरासँग समन्वय गरी काठमाडौं उपत्यका अपराध अनुसन्धान कार्यालयले पक्राउ गरेको हो । उनले
तीन जनालाई वैदेशिक रोजगारीका लागि सर्बिया पठाइदिन्छु भनी प्रतिव्यक्ति ८ लाख रुपैयाँका दरले रकम मागेका थिए ।

तर, १७ लाख १७ हजार रुपैयाँ प्राप्त गरेपछि भने उनी फरार भएका थिए । उनले मासिक १ लाख रुपैयाँ तलब हुने भन्दै लोभ्याएर रकम ठगेको प्रहरीले जनाएको छ ।