काठमाडौं – नेपाल तेक्वान्दो संघको आयोजनामा दोस्रो एनटीए लिग तेक्वान्दो प्रतियोगिता भोलिबाट ललितपुरमा हुने भएको छ । संघले आज ललितपुरमा पत्रकार सम्मेलन गर्दै मंसिर १४ देखि १६ गतेसम्म दोश्रो एनटीए लिग तेक्वान्दो प्रतियोगिता गरिएको जानकारी गराएको हो ।

प्रतियोगीतामा पुम्से र ग्यरोगी तर्फगरि ७२ स्वर्ण पदका लागि जम्मा ६५० खेलाडीले सहभागीता जनाउने संघका उपाध्यक्ष भानबहादुर चन्दले जानकारी दिए ।

प्रतियोगिताबाट खेलाडीको राष्ट्रिय वरिताक्रम मापन गरि सोही बमोजिम स्तर र वर्गीकरण गरिने उनको भनाई छ । प्रतियोगितामा नेपाल प्रहरी, सशस्त्र प्रहरी, नेपाली सेना र देशभरका खेलाडीको सहभागीता रहने चन्दले जानकारी दिए ।

खेल ललितपुरको सातदोवाटोस्थीत तेक्वान्दो संघको केन्द्रीय एकेडेमी भवनमा सञ्चालन हुनेछ ।