विराटनगर- मोरङ व्यापार संघको आयोजनामा पौष ६ गते देखि १६ गतेसम्म विराटनगरमा मोरङ व्यापार संघ एक्स्पो २०२३ आयोजना हुने भएको छ ।

सोमबार विराटनगरमा पत्रकार सम्मेलन गर्दै संघले अन्तराष्ट्र्रिय कृषि, पर्यटन तथा औद्योगिक प्रदर्शनीका बारेमा जानकारी गराएको हो । पत्रकार सम्मेलनमा मोरङ व्यापार संघका अध्यक्ष नवीन रिजालले प्रदर्शनीले केही मात्रामा भएपनि बजार चलायमान हुने बताए ।

अध्यक्ष रिजालले औद्योगिक क्षेत्रमा भइरहेको नवीनतम प्रविधिको प्रयोगबारे जानकारी गराउन, कृषि क्षेत्रको व्यवसायीकरण गर्न तथा उत्पादक र उपभोक्ता बीचको सम्बन्ध विस्तार गर्ने उद्देश्यले एक्स्पो आयोजना गर्न लागिएको जानकारी दिए ।

सो प्रदर्शनी करिब ४ लाख दर्शकहरुले अवलोकन गर्ने र करिब १५ करोड रुपैयाँ बराबरको कारोबार हुने अध्यक्ष रिजालले बताए । १० दिनसम्म आयोजना हुने सो कृषि तथा औद्योगिक अन्तर्रााष्ट्र्रिय प्रदर्शनीमा कृषि, पशुपालन, अटोमोबाइल्स, विज्ञान प्रविधि, औद्योगिक उत्पादन लगायतका २ सय ५० वटा स्टलहरु राखिने पत्रकार सम्मेलनमा जानकारी दिइएको छ ।