काठमाडौं– नेपाल मेडिकल काउन्सिलले लिएको दर्ता प्रमाणपत्र (लाइसेन्सिङ) परीक्षामा एमबीबीएसतर्फ ७८ र बीडीएसतर्फ ३९ प्रतिशत परीक्षार्थी उत्तिर्ण भएका छन् ।

काउन्सिलले शनिबार लिएको परीक्षामा एमबीबीएस तर्फका १ हजार ३ सय ११ जना उत्तिर्ण भएका छन् भने बीडीएसतर्फ १ सय ३८ जना उत्तिर्ण भएका छन् ।

एमबीबीएस अध्ययन पूरा गरेका १ हजार ६ सय ८१ जनाले चिकित्सकको लाइसेन्सिङ परीक्षाका लागि फर्म भरेका थिए भने बीडीएस तर्फका ३ सय ५३ जनाले फर्म भरेका थिए ।

काउन्सिलको यो ५६ औं परीक्षा हो । नेपाल मेडिकल काउन्सिलले एमबीबीएस र बीडीएस अध्ययन पूरा गरेका चिकित्सका लागि हरेक वर्ष ३ पटक दर्ता परीक्षा संचालन गर्दै आएको छ ।

एमबीबीएस तथा बीडीएस अध्ययन गरेका चिकित्सकले काउन्सिलको यो परीक्षा उत्तिण गरेपछि मात्रै बिरामीको स्वास्थ्य परीक्षण गर्न पाउँछन् ।