एजेन्सी–सलमान खानको प्रेमका विषयमा मिडियामा सवैभन्दा बढी चर्चा चल्छ ।

हालै पनि उनको प्रेमका विषयमा एउटा समाचार भारतीय मिडियाहरुमा गसिप बनेको छ । सलमानले आफ्नी प्रेमिका लुलिया वन्तुरलाई उनको जन्मदिनको अवसरमा ‘डायमन्ड रिङ’ उपहार दिएको विषयले चर्चा पाएको हो ।

गत जुलाइ २४ मा मनाइएको उनको जन्मदिनको अवसरमा सलमानलाई गहना उपहार दिन उनकै आमाले सुझाव दिएकी थिइन् । ३९ वर्षीया गायिका लुलिया रोमानियाकी नागरिक हुन् ।

भारतीय मिडियाका अनुसार सलमान पछिल्लो केही वर्षयता लुलियासँग प्रेममा छन् । रोमानियन ‘टेलिभिजन शो’को होस्ट रहेकी लुलियाले केही वर्षयता बलिउडमा पनि काम गर्दैआएकी छन् । ‘रेस ३’ लगायत फिल्ममा उनले गीत गाइसकेकी छन् ।