धार्मिक मान्यताअनुसार हामीले कुनै पनि काम समयमा गर्नुपर्ने हुन्छ ।

कुन समयमा कुन काम गर्दा उत्तम हुन्छ यस विषयमा धर्म शास्त्रहरुमा उल्लेख गरिएको पाइन्छ । साँझको समय अर्थात जब सूर्यास्त हुन्छ, त्यतिबेला पनि केही काम गर्न नहुने मनु संहितामा उल्लेख गरिएको छ ।

मनु संहितामा यस्तो भनिएको छ कि सन्ध्याकालमा यदि कुनै व्यक्तिले यस्ता काम गर्यो भने उनले धन नोक्सानीको असर भोग्नु पर्नेछ । साथै उक्त व्यक्ति कालान्तरमा अल्पआयू पनि हुन जान्छन्। मनु संहितामा विशेष गरेर सन्ध्यामा यी चार कामलाई  नगर्न उल्लेख गरिएको छ। मनु संहितामा लेखिएको छ-

चत्वारि खलु कार्य्याणि सन्ध्याकाले विवर्जयेत् ।
आहारं मैथुनं निद्रां स्वाध्यायञ्च चतुर्थकम् ।।

भोजन गर्नु

सन्ध्याकालमा कहिल्यै पनि भोजन गर्नु हुँदैन । किनकी यस्तो गर्नाले तपाईको स्वास्थ्य खराब हुनेछ। यस श्लोकको अन्त्यमा अन्य तीन काम पनि बताइको छ । यस्ता काम पनि सन्ध्याकालमा गर्नु हुँदैन।

सहवास गर्नु
मनु संहिताको यो श्लोककमा उल्लेख गरिएको छ कि साँझको समयमा कुनै पनि पुरुषले स्त्रीसँग सहवास गर्नु गर्नु हुँदैन।

साँझपख सुत्नु
मनु संहिताका अनुसार सन्ध्याकालमा सुत्नाले तपाई गरिब मात्रै हैन, रोगी र अल्पायू पनि हुनुहुनेछ ।

अध्ययन गर्नु
मनु संहिताको यो श्लोकमा साँझको समयमा अध्ययन तथा पढाई नगर्न भनेको छ । साँझको समयमा अध्ययन गर्दा ज्ञान नाश हुने मान्यता छ ।