काठमाडौँ– सन् २०२६ को फिफा विश्वकप छनोटमा अर्जेन्टिनाले जित निकालेको छ । आज बिहान भएको दक्षिण अमेरिकी छनोट ब्राजिललाई १–० गोलले हराउँदै अर्जेन्टिनाले जित निकालेको हो ।
अर्जेन्टिनाका लागि निकोलस ओटामेन्डीले एक गोल गरेका थिए । पहिलो हाफ गोलरहित बराबरीमा सकिएको खेलमा दोस्रो हाफको ६३ औँ मिनेटमा निकोलसले गोल गर्दै अर्जेन्टिनालाई जित दिलाए ।
यो जितसँगै अर्जेन्टिना ६ खेलबाट १५ अङ्कका साथ पहिलो स्थानमा रहेको छ भने पराजित भएको ब्राजिल ७ अंकका साथ तालिकाको छैटौँ स्थानमा छ । दोस्रो स्थानमा रहेको उरुग्वेको १३ अङ्क छ ।
अर्जेन्टिना र ब्राजिलबीचको खेल सुरु हुनुअघि दुई पक्षका समर्थकहरूबीच झडप भएको थियो ।
प्रतिक्रिया