नयाँ दिल्ली- पाकिस्तानबाट भारततर्फ ड्रोनको अतिक्रमण बढ्दै गएको पाइएको छ । हालै भारतको सीमा सुरक्षा बल (बीएसएफ) ले पञ्जाब राजयको फिरोजपुर जिल्लामा रहेको खेतमा पाकिस्तानी ड्रोन फेला पारेको हो ।
बीएसएफले फिरोजपुर जिल्लाको टिन्डी वाला जिल्लामा ड्रोनको गतिविधिबारे सूचना पाएको र उक्त ड्रोन खसालेको भारतीय समाचार संस्था एएनआईले जनाएको छ । पछि खोजी अभियान सञ्चालन गरी उक्त ड्रोन नजिकैको खेतमा फेला पारिएको थियो ।
उक्त ड्रोन बजारमा सहजै खरिद गर्न सकिने क्वाडकप्टर डीजेआई म्याभिक ३ क्लासिक रहेको एएनआईले उल्लेख गरेको छ ।
प्रतिक्रिया