वासिङ्टन– च्याट जीपीटीका सीईओ शाम अल्टम्यान बर्खास्त भएका छन् ।

च्याट जीपीटी निर्माता ओपन एआईको बोर्ड बैठकले अल्टम्यानलाई सीईओबाट बर्खास्त गरेको समाचार संस्था रोयटर्सले जनाएको छ । 

कम्पनीले माइक्रोसफ्ट ब्याक्ड फर्मको नेतृत्व गर्न सक्षम नभएको उल्लेख गर्दै बर्खास्त गरेको हो ।

ओपन एआई बोर्डले एक विज्ञप्तिमा भनेको, ‘अल्टम्यानलाई बर्खास्त गर्ने निर्णय अत्यन्तै विचारका साथ लिइएको हो। सावधानीपूर्वक विचार गरेपछि बोर्ड यो निष्कर्षमा पुग्यो कि शाम अल्टम्यान आफ्नो कामको बारेमा स्पष्ट थिएनन् ।’ 

३८ वर्षीय अल्टम्यानले  करिब एक वर्षअघि जीपीटी बनाएका थिए। अभूतपूर्व क्षमता भएको आर्टिफिसियल इन्टेलिजेन्स च्याटबट च्याटजीपीटीको विमोचनसँगै उनी प्राविधिक संसारमा सनसनी बनेका थिए । 

सिइओको बर्खास्तीपछि ओपन एआईका अध्यक्ष तथा सहसंस्थापक ग्रेग ब्रकम्यानले पनि अध्यक्षबाट राजीनामा दिएको जनाएको छ।