काठमाडौँ- ललितपुर प्रहरीले दसैँ र तिहारमा ६७ जना जुवाडेलाई पक्राउ गरेको छ । यस अवधिमा ललितपुरमा जुवाडेबाट ३३ लाख २२ हजार रुपैयाँभन्दा बढी बरामद गरिएको छ ।
ललितपुर प्रहरीले मारेको विशेष छापाको क्रममा दसैँ र तिहारमा जुवातास खेल्नेबाट ३३ लाख २२ हजार रुपैयाँ बरामद भएको हो ।
सोही क्रममा प्रहरीले ६७ जना जुवाडेलाई पनि पक्राउ गरेको ललितपुर प्रहरी प्रमुख एसएसपी सिद्धिविक्रम शाहले जानकारी दिएका छन् । उनका अनुसार पारिवारिक मनोरञ्जनबाहेक पैसाका खाल जमाएर जुवातास खेल्ने समूहलाई लक्षित गरी छापा मार्दा उनीहरु पक्राउ परेका हुन् ।
यसरी पक्राउ पर्नेमा ५१ जना पुरुष र १६ जना महिला रहेका छन ।
प्रतिक्रिया