काठमाडौँ– दीपावलीको अवसरमा शाहरुख खानको बहुप्रतिक्षित फिल्म ‘डिंकी’का दुई नयाँ पोस्टर सार्वजनिक भएका छन् । शाहरुखले दुवै पोस्टर आफ्नो सामाजिक सञ्जालमा सेयर गरेका छन् ।

पहिलो पोस्टरमा शाहरुख स्कुटर चढेको देखिएका छन् । उनको पछाडि तापसी पन्नु र विक्रम कोचर सरदारको भूमिकामा देखिएका छन् । 

अनिल ग्रोवरलाई पनि उनको छेउमा साइकल चढिरहेको देखिएको छ जसमा ‘ह्याप्पी दिवाली’ लेखिएको बोर्ड छ । उनले गलामा नोटको माला लगाएका छन्।

पोष्ट सेयर गर्दै शाहरुख खानले लेखेका छन्– ‘यस्तो परिवार बिना कस्तो हुनेछ दीपावली र कस्तो हुनेछ नयाँ वर्ष । सँगै हिड्नु, सँगै बस्नु र सँगै मनाउनुमा वास्तविक आनन्द छ। ‘डिंकी’ को सारा संसार यी मुर्ख हुन्।’

‘डिंकी’ को दोस्रो पोस्टरमा शाहरुख आफ्नो टोलीसँग कक्षा कोठामा देखिएका छन् । पोस्टरका सबै पात्रहरूले हातमा आईईएलटीएस पुस्तक समातेका छन्।

शाहरुख खानका फ्यानहरू उनको आगामी फिल्म ‘डिंकी’ को प्रतीक्षामा छन् । फिल्मको कथा विदेशबाट आफ्नो घर र देश फर्कन चाहनेहरूबाट प्रेरित छ। कमेडी ड्रामा भएको यो फिल्मलाई राजकुमार हिरानीले निर्देशन गरेका हुन् ।

यो चलचित्रमा राजकुमार हिरानी र शाहरुख खान पहिलो पटक सँगै काम गर्दैछन् । हिरानीलाई सञ्जु, पीके, ३ इडियट्स र मुन्ना भाइ सिरिज जस्ता ब्लकबस्टर फिल्मका लागि चिनिन्छ ।

चलचित्रमा तापसी पन्नु, विक्की कौशल र बोमन इरानीको पनि भूमिका रहेको छ । ‘डिंकी’ यो क्रिसमसमा विश्वभरका थिएटरमा रिलिज हुँदैछ ।