काठमाडौं – नायिका नीता ढुंगानाको ब्यानरमा फिल्म बन्ने भएको छ । नीताले आफ्नै लगानीमा ‘म:म हन्टिङ’ नामक फिल्म बनाउने चर्चा थियो । अहिले भने सो फिल्मलाई थाँती राख्दै उनी नयाँ फिल्मको स्क्रिप्टमा जुटेकी हुन् ।

उनले बनाउने फिल्म लभस्टोरी जानरामा निर्माण हुनेछ । अहिलेलाई फिल्मको नाम ‘माया’ राखिएको छ । तर पछि नाम परिवर्तन हुन सक्ने छ ।

फिल्मको मुख्य भूमिकामा कोशिश क्षेत्री र नीता ढुंगानाको अभिनय रहने जनाइएको छ । यस्तै फिल्मलाई समुद्र भट्टले निर्देशन गर्नेछिन् । फिल्मले यसको कथा लेखिरहेका छन् ।

फिल्मलाई सिक्किम कालिङपोङ लगायतका ठाउँमा छायाँकन गरिने निर्देशकले बताइन् । चलचित्र ‘आधा पेज’ बाट निर्देशनमा डेब्यू गरेकी समुन्द्र हालै क्यानडाको टोरन्टो फिल्म स्कुलबाट निर्देशन कक्षा लिएर नेपाल फर्केकी हुन् ।