काठमाडौं – इटालियन फुटबल खेलाडी ड्यानिएल डे रोसी अर्जेन्टिाइन क्लब बोका जुनियर्समा आवद्ध भएका छन् । १८ वर्ष इटालियन क्लब एएस रोमाबाट खेलेका ३६ बर्षीय रोसीले बोका जुनियरसँग सम्झौता गरेका हुन् । यद्यपी उनी कति मूल्यमा बोकामा आवद्ध भए भन्ने खुलाइएको छैन ।

सन् २००६ मा इटलीबाट विश्वकप जितेका रोसी आफ्नो ३६औं जन्मदिनमा अर्जेन्टिनाको ब्युनर्स आर्यस पुगेका हुन् ।
सिरी ए क्लब रोमाका लागि ६हजारर ६ सय १६ खेल खेल्दा यी भेट्रान मिडफिल्डरले ६३ गोल गरेका छन्।

रोसीले इटलीको लागि १सय१७ खेल खेल्दा २१ गोल गरेका थिए। डे रोसीले गत सिजनको अन्त्यमा रोमा छाड्ने घोषणा गरेका थिए।

रोसीलाई क्लबले आगामि सोमवार क्लबको खेलाडीको रुपमा प्रस्तुत गर्ने भएको छ। उनी रोमाका लागि सर्वाधिक खेल खेल्नेमा फ्रान्सेस्को टोट्टी भन्दा पछि छन्। टोट्टीले ७६८ खेल खेलेका छन्।