काठमाडौँ– संघीय संसदको चालु अधिवेशन आजदेखि अन्त्य गरिने भएको छ । यस अधिवेशनअन्तर्गत प्रतिनिधिसभाको अन्तिम बैठक बिहान ११ बजे संसद भवन नयाँबानेश्वरमा बस्दैछ । 

आजको बैठकमा राजनीतिक दलका शीर्ष नेताले सम्बोधन गर्ने सम्भावित कार्यसूची रहेको छ । 

यस्तै, संघीय संसद्को अधिवेशन अन्त्य हुनुअघि सांसदहरूको १० दिनभन्दा बढी समयको बिदा स्वीकृत गर्ने, सांसदहरूले सोधेका प्रश्न टेबल गर्ने कार्यसूची छ ।

यसैबीच, संसदको जारी अधिवेशन अन्त्य गर्ने निर्णय लिनका लागि मन्त्रिपरिषद्को बैठक बसिरहेको छ ।

प्रधानमन्त्री तथा मन्त्रिपरिषद् कार्यालय सिंहदरबारमा जारी बैठकमा संसद अधिवेशन अन्त्य गर्ने प्रमुख एजेण्डामा छलफल भइरहेको छ ।

हिजो प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओलीबीच भएको छलफलमा आजदेखि संसदको अधिवेशन अन्त्य गर्ने सहमति भएको थियो।