मकवानपुर– मकवानपुरमा सुमो दुर्घटना हुँदा १३ जना भारतीय तीर्थयात्री घाइते भएका छन् ।
वीरगञ्जबाट काठमाडौँतर्फ जाँदै गरेको मधेस प्र.०३–००१ज०२८३ नम्बरको सुमो इन्द्रसरोवर गाउँपालिका–५ मकैबारीस्थित कुलेखानी–मातातीर्थ काठमाडौँ जाने भित्री सडकखण्डमा आज बिहान ३ः३० बजे दुर्घटना भएको मकवानपुर प्रहरीले जनाएको छ ।
सुमो सडकबाट अन्दाजी २० मिटर तल खोल्सामा खसेको थियो । सुमो चालक बाराको कलैया नगरपालिका–२१ बस्ने २५ वर्षका अनिलकुमार शाहलाई प्रहरीले नियन्त्रणमा लिएको छ ।
सुमोमा सवार घाइते सबै भारतीय तीर्थयात्रु रहेको र घाइतेको उपचारका लागि काठमाडौँ पठाइएको प्रहरीले जनाएको छ ।
प्रतिक्रिया