एजेन्सी– ५० वर्ष अगाडि सन् १९६९ जुलाई २० तारिखका दिन चन्द्रमामा पहिलो पटक मानवले पाइला टेकेको थियो ।

चन्द्रमामा पहिलो पटक मानव पुर्‍याउने अभियानको तीनवटा भिडियो टेप भने हालै महँगो मूल्यमा लिलामी भएको छ । निल आर्मस्ट्रङ्गले चन्द्रमामा पहिलो पटक मानव पाइला राखेका थिए भने उनीसँगै गएका एड्विन बज एल्ड्रिनले त्यसपछि चन्द्र सतहमा टेकेका थिए ।

उनीहरुले चन्द्र सतहमा २१ घण्टा ३१ मिनेटसम्म बिताएका थिए । मानव इतिहासमै अभुतपूर्व सफलता हात परेको उक्त घटनाको ५० वर्षगाँठको अवसरमा विश्वभर विभिन्न कार्यक्रम गरियो । यसैक्रममा चन्द्र मिसनसँग जोडिएका तीन भिडियो टेप लिलामी गरियो ।

ति तीन मुख्य नासाको भिडियो टेप १ दशमलब ८२ मिलियन डलरमा लिलामी भएको हो ।

उक्त भिडियो टेपमा चन्द्रमामा निल आर्मस्ट्रङ्गको पहिलो पाइला, यसका साथै उनीसँगै गएका बज एल्ड्रिनले पनि पाइला राखेको दृष्य कैद गरिएको छ ।

चन्द्रमा पुगेका दुवैले यानबाट ओर्लदै गरेको दृष्य, चन्द सतहमा अमेरिकाको झण्डा फहराइएकोलगायतका सबै दृष्य टेपमा रहेको छ ।