काठमाडौँ- नेपाल फिनल्याण्ड चेम्बर अफ कमर्स एण्ड इण्डस्ट्रिजको पहिलो वार्षिक साधारणसभा सम्पन्न भएको छ ।

काठमाडौँस्थित होटल र्‍याडिसनमा मंगलबार आयोजित साधारणसभालाई सम्बोधन गर्दै नेपाल फिनल्याण्ड चेम्बरका अध्यक्ष अध्यक्ष मुकुन्दप्रसाद तिमल्सिनाले दुई मुलुकबीच व्यापार, शिक्षा, सँस्कृतिजस्ता क्षेत्रमा सुमधुर सम्बन्ध रहेको भन्दै भविष्यमा दुई मुलुकबीचको सहकार्य थप सुदृढ हुने विश्वास व्यक्त गरे ।

कार्यक्रमका विशेष अतिथि नेपाल चेम्बर अफ कमर्सका पूर्वअध्यक्ष राजेशकाजी श्रेष्ठले दुई मुलुकबीचको व्यापारिक सम्बन्धलाई थप विस्तार गर्नुपर्नेमा जोड दिए ।

उक्त कार्यक्रममा नेपालका लागि फिनल्याण्डकी राजदूत रिना रिक्का हेक्काले आगामी दिनहरुमा साझा हितलाई मध्यनजर गर्दै द्विपक्षीय सहकार्यलाई अघि बढाइने उल्लेख गरिन् ।

कार्यक्रममा दुई मुलुकबीचको सम्बन्धमा योगदान पुर्‍याएको भन्दै रुपक राजवंशी, नरेश श्रेष्ठ, उत्तम सिलवाल, उषा चापागाईँलाई सम्मान गरिएको थियो ।

साधारणसभाले दुई मुलुकबीच थप व्यापारिक अवसरको सिर्जना गर्ने अपेक्षा गरिएको छ ।