कैलाली- कैलालीमा एक युवकमाथि धारिलो हतियार प्रहार भएको छ ।
बिहीबार राति जानकी गाउँपालिका–९ मा पूर्वखैरी फाँटाका २३ वर्षीय हेमराज गिरीमाथि धारिलो हतियार प्रहार भएको हो । इलाका प्रहरी कार्यालय टीकापुरले दिएको जानकारी अनुसार ती युवकमाथि सोही स्थानका २४ वर्षीय उदय बिक र ३१ वर्षीय जीवन भारतीले धारिलो हतियार प्रहार गरेका हुन् ।
हतियार प्रहारबाट गिरीको टाउकोमा चोट लागेको छ । उनको नेपालगञ्जमा उपचार भइरहेको प्रहरीले जनाएको छ । हतियार प्रहार गर्ने भारतीलाई प्रहरीले चिसापानीबाट पक्राउ गरेको छ भने उदय बिक फरार छन् । उनको खोजीकार्य भइरहेको प्रहरीले जनाएको छ ।
प्रतिक्रिया