काठमाडौँ- कैलाली र कास्कीबाट लागूऔषधसहित दुई जना पक्राउ परेका छन् ।

कैलालीको गौरीगंगा नगरपालिका ४ राजीपुर खल्ला बजारस्थित सडकबाट अवैध लागूऔषध चरेसजस्तो देखिने पदार्थ ४ केजी ७ सय १० ग्राम र १८ हजार ५ सय भारतीय रूपैयाँसहित बझाङ सुर्मा गाउँपालिका ४ ठगुनडाँडा बस्ने ४४ वर्षीय सालीभान पुजारालाई प्रहरीले पक्राउ गरेको छ ।

नेपाल प्रहरी प्रदेश कार्यालय महेन्द्रनगर र लागूऔषध नियन्त्रण ब्यूरो कोटेश्वर काठमाडौंबाट खटिएको प्रहरीले उनलाई उक्त पदार्थसहित पक्राउ गरेको हो ।

त्यस्तै, कास्कीको पोखरा महानगरपालिका ३० पावरहाउसबाट अवैध लागूऔषध गाँजा २ केजी १ सय ७० ग्रामसहित सोही महानगरपालिका २१ कृष्ती घर भई हाल सोही महानगरपालिका १५ फुलवारी गैह्रगाउँ बस्ने १९ वर्षीय राजन विकलाई प्रहरीले पक्राउ गरेको छ ।

ईलाका प्रहरी कार्यालय शिसुवा कास्कीबाट खटिएको उनलाई उक्त लागूऔषधसहित पक्राउ गरेको हो ।