काठमाडौँ- नेपाली कांग्रेसका केन्द्रीय सदस्य डा. गोविन्दराज पोखरेल चुच्चे नक्सालाई दुवै छिमेकीले स्वीकार नगरेको भन्दै पार्टी र सरकारले यसलाई गम्भीर रुपमा लिनुपर्ने बताएका छन् ।

शुक्रबार सानेपामा बसेको केन्द्रीय कार्यसमितिको बैठकमा बोल्दै नेता पोखरेलले भारतले मिचेको भूमि समेटेर जारी भएको चुच्चे नक्सालाई दुबै छिमेकीले अस्वीकार गरेको अवस्थामा यसलाई सरकार र पार्टीले गम्भीर रुपमा लिनुपर्ने बताएका हुन् ।

यसबाट कूटनीतिक रणनीतिमा असफलता देखिएको भन्दै उनले आफ्नै कमजोरीका कारण बाह्यक्षेत्रले गम्भीर रुपमा लिन छाडेको उल्लेख गरे ।

उनले भने, ‘चुच्चे नक्सालाई न त दक्षिणले, न त उत्तरले स्वीकार गरेको देखियो, कूटनीतिक रणनीतिमा हामी असफल भयौँ ? बाह्य क्षेत्रले किन गम्भीर रुपमा लिन छाड्यो ? यसलाई पार्टी र सरकारले गम्भीर रुपमा लिनु पर्ने देखियो ।’