ताइपेई- चीनले पुनः ताइवानमाथिको सैन्य दबाबलाई बढाएको छ । हालै चीनले ताइवानी क्षेत्रमा ६८ वटा लडाकु विमान र १० वटा नौसैनिक युद्धपोत परिचालन गरेको अल जजीराले जनाएको छ ।

अल जजीराले जनाएअनुसार बिहीबार बिहान ६ बजेको समयमा जनमुक्ति सेनाका ६८ वटा लडाकु विमान र १० वटा नौसैनिक युद्धपोत तैनाथ रहेको जानकारी प्राप्त भएको ताइवानी रक्षा मन्त्रालयले उल्लेख गरेको छ ।

पछिल्लो समय चीनले साङडोङ लडाकु विमानवाहक नौसैनिक युद्धपोत तैनाथ गरी ताइवानसँगको सीमा क्षेत्रमा सैन्य अभ्यास गरिरहेको छ ।

भारतीय समाचार संस्था एएनआईका अनुसार लामो समयदेखि चीनले ताइवानलाई आफ्नै मुलुकको एक हिस्साका रुपमा अथ्र्याउँदै आएको छ । हाल स्वतन्त्र रुपमा लोकतान्त्रिक शासन व्यवस्थाको अभ्यास गरिरहेको ताइवानलाई आफ्नो मुलुकमा गाभ्नका लागि चीनले बल प्रयोग गर्ने चेतावनीसमेत दिने गरेको छ ।