गुल्मी- अबिरल वर्षापछि गएको पहिरोले गुल्मीमा ६ जनाको ज्यान गएको छ । सत्यवती गाउँपालिकामा गएको पहिरोमा परी ६ जनाले ज्यान गुमाएका हुन्।

वडा नम्वर ४ स्थित लिम्घाको भिरकुनामा पहिरोले तीन घर बगाउदा ४ जनाको मृत्यु भएको छ । पहिरोमा ५ जना वेपत्ता भएका छन् । यस्तै वडानम्बर ३ ठुलोलुम्पेक कुसुङथलामा पहिरोले घर भत्काउँदा २ जनाले ज्यान गुमाएका छन् । २ जना घाईते छन् ।

पहिरोमा पुरिएको अवस्थामा ४ जनाको शव भेटिए पनि उनीहरुको सनाखत हुन बाँकी रहेको प्रहरीले जनाएको छ ।

चारैतिर गएको पहिरोका कारण उद्दारमा प्रहरी, नेपाली सेनालाई समेत पुग्न कठिनाइ परेको जिल्ला प्रहरी कार्यालय गुल्मीका प्रहरी निरिक्षक रविन्द्र खड्काले जानकारी दिए । घटनास्थलमा पानी परिरहेकाले उद्दारमा कठिनाइ भइरहेको छ ।