म्याग्दी– म्याग्दीमा नेत्रविक्रम चन्द् (विप्लप) नेतृत्वको नेपाल कम्युनिष्ट पार्टीका दुई नेता पक्राउ परेका छन् ।

प्रहरीले म्याग्दी जिल्ला इञ्चार्ज र सेक्रेटरीलाई पक्राउ गरेको हो । जिल्ला इञ्चार्ज नकाल क्षेत्री (विकिरण) र सेक्रेटरी बाबुलाल शाक्यलाई बेनी नगरपालिका–३ नयाँपुलबाट सोमबार साँझ पक्राउ गरिएको प्रहरी जनाएको छ ।

प्रहरी नायव उपरीक्षक महेन्द्रप्रसाद मरासीनीले विशेष सुराकीको आधारमा ग्रामिण क्षेत्रतर्फ जाँदै गरेको अवस्थामा उनीहरुलाई पक्राउ गरिएको जानकारी दिए । ४२ वर्षीय क्षेत्री रुकुमको सानीभेरी गाउँपालिका–२ र ४८ वर्षीय शाक्य बागलुङ नगरपालिका–३ का हुन् ।

उनीहरुले प्रयोग गरेको ध १ प २१७० न.को मोटरसाईकल र तीन थान मोवाइल सेट बरामद भएको प्रहरीले जनाएको छ । उनीहरुमाथि स्थानीय तहका पदाधीकारी, ब्यापारी तथा कर्मचारीहरुलाई धम्काई जवरजस्ति चन्दा असुलि गरेको, २०७५ फागुन ११ गते म्याग्दीमा रहेका ५ वटा एनसेलको टावरमा आगजनी गराएको आरोप छ ।