कास्की– जिल्ला प्रहरी कार्यलय कास्कीले २० वर्षअघि हत्या गरी फरार भएका एक जनालाई पक्राउ गरी सार्वजनिक गरेको छ । प्रहरीले हत्या आरोपी कुमार गुरुङलाई प्रक्राउ गरी सार्वजनिक गरेको हो।

गुरूङले २०५६ माघ ४ गते कास्कीको साबिक घान्द्रुक गाविस–७ हाल अन्नपूर्ण गाउँपालिका १० का ३१ वर्षीय मन प्रसाद गुरुङको धारिलो हतियार प्रहार गरी सख्त घाइते बनाएका थिए । घाइते गुरुङको उपचारको क्रममा मृत्यु भएको थियो ।

उक्त घटनामा संलग्न कुमार फरार रहँदै म्याग्दी जिल्लाको विभिन्न स्थानमा लुक्दै आएका थिए । घटना भएको करिव २ वर्षपछि उनी भारत गएका थिए । उनी १४ वर्ष भारतमा बसेका थिए । केही समयअघि उनी बुवाको मृत्यु भएपछि नेपाल फर्किएका थिए ।