काठमाडौँ– महिला श्रृजनशील केन्द्रको आयोजनामा सृजनशील उद्यमी मेला शुक्रबारबाट काठमाडौंमा सुरु भएको छ ।

श्रृजनशील महिलाको एउटै नारा, उद्यम गरौँ, बनौ आत्मनिर्भर भन्ने नाराका साथ काठमाडौंको दरबारमार्गस्थित होटल अन्नपूर्णमा आयोजना गरिएको उद्यमी मेला भाद्र १७ गतेसम्म चल्ने महिला सृजनशील केन्द्रकी अध्यक्ष मिलु थापाले जानकारी दिए ।

मेलामा विशेषतः घरेलु तथा हस्तकलाका सामाग्रीहरूको प्रर्दशनी, तीज विशेष खानाका परिकारहरू, महिला उद्यमशीलता र वित्तीय पहुँचसम्बन्धी अन्तरक्रिया लगायतका कार्यक्रम राखिएको उनले बताए ।

महिलाहरूले उत्पादनका वस्तुहरूको सहज रुपमा बजारीकरण गर्न र महिला उद्यमीहरूलाई प्रोत्साहन गर्न मेलाको आयोजना गरिएको उनको भनाइ छ ।

८० भन्दा बढि स्टल रहेको मेलाको दश हजार बढिले अवलोकन गर्ने आयोजकको अपेक्षा रहेको छ ।