काठमाडौँ– अमेरिकामा जारी मेजर लिग सकर (एमएलएस)मा कप्तान लियोनेल मेस्सीको डेब्यु गोलमा इन्टर मियामी विजयी भएको छ ।
आज बिहान भएको खेलमा न्युयोर्क रेडबुल्सलाई २–० गोलले हराउँदै मियामी विजयी भएको हो ।
खेलको ३७औं मिनेटमा डिअगो गोमेजको गोलमा मियामीले अग्रता बनाएको थियो । पहिलो हाफमा टोलीले १–० को अग्रता लिँदै न्युयोर्कलाई दवावमा राखेको थियो ।
त्यसपछि ८९औँ मिनेटमा कप्तान मेस्सीले गोल गरेपछि मियामी २–० गोलले विजयी भयो । मेसीले ९ खेलमा ११ गोल गरेका छन् ।
यो जितसँगै मियामी २३ खेलबाट २१ अंकका साथ १४ औँ स्थानमा उक्लिएको छ।
प्रतिक्रिया