काठमाडौं– अब शेयर बजारमा हुने कारोबार र शेयर खरिदबिक्रीको जानकारी सजिलै प्राप्त  गर्न सकिने भएको छ ।

शेयर बजारप्रति रुची राख्ने हरेकले आफ्नो मोबाइलबाटै शेयर बजारमा हुने उतारचढावको जानकारी लिन सक्ने भएका छन् ।

शेयर बजारप्रति रुची राख्ने नेपालीलाई लक्षित गरी जिनियस सिस्टम्सले ‘नेपाल स्टक’ भन्ने मोबाइल एप ल्याएको छ ।

यो एपमा सित्तैमा पोर्टफोलियो बनाएर दैनिकरुपमा आफ्नो शेयरको जानकारी समेत लिन पाइने छ ।

यो एपमा पोर्टफोलियो ट्र्याकिङ, शेयर बजार समाचार, तथा वाचलिस्ट राख्न मिल्ने प्रविधि अपनाइएको छ । प्रयोकर्ताको मागलाई ध्यानमा राखी आगामी दिनमा एपलाई थप परिस्कृत र सुविधायुक्त बनाइने जिनियस सिस्टमले जनाएको छ ।

जिनियस सिस्टम्सले नेपाली पात्रो, टाइम्स अफ नेपाल, नेपाली किबोर्ड जस्ता अति उपयोगी एपहरुको सूचीमा आफ्नो नयाँ उत्पादन ‘नेपाल स्टक’ पनि थपेको छ । यो एप एन्ड्रोइड र आईओएस (एप्पल) दुवैमा उपलब्ध छ ।

यहाँ क्लिक गरेर यो एप डाउनलोड गर्न सकिन्छ ।