काठमाडौँ – राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले भुटानी शरणार्थी प्रकरणको अनुसन्धान गरिरहेका प्रहरी अधिकृतहरुको सरुवा नाजायज भएको बताएका छन् ।

सोमबार राति सामाजिक सञ्जालमार्फत अध्यक्ष लिङ्देनले सत्ता टिकाउने प्रयोजनका लागि प्रहरी अधिकृतहरुको आकस्मिक सरुवा गरिएको भन्दै सरकारको सुशासनको नारा सत्ता टिकाउने अस्त्र भएको बताएका छन् ।

‘नक्कली भुटानी शरणार्थी प्रकरणमा पहिलो चरणको अनुसन्धान सकेर दोस्रो चरणको अनुसन्धानको तयारी गरिरहेका मुख्य मुख्य प्रहरी अधिकृतहरुको आकस्मिक सरुवा नाजायज छ।सत्ता टिकाउने प्रयोजनका लागि गरिने यसप्रकारका क्रियाकलापहरुले सरकारको सुशासनका नारा केवल सत्ता जोगाउने अस्त्र मात्र प्रमाणित भएकोछ’ उनले सामाजिक सञ्जालमा लेखेका छन् ।