काठमाडौँ– स्पेनिस ला लिगा फुटबलमा एथ्लेटिको मड्रिडले विजयी सुरुआत गरेको छ ।

गएराति मड्रिडस्थित सिभिटास मैदानमा भएको खेलमा ग्रानाडालाई ३–१ गोलले हराउँदै एथ्लेटिकोले जित निकालेको हो ।

एट्लेटिकोको जितमा एल्भारो मोरटा, मेम्फिस डिपाए र मार्कोस लोरेन्टले एक–एक गोल गरेका थिए । ग्रानाडाका सामुयल ओमोरोडिओनले एक गोल फर्काएका थिए ।

एथ्लेटिकोका एल्भारोले पहिलो हाफको अतिरिक्त समयमा गोल गर्दै टोलीलाई अग्रता दिलाएका थिए । तर, ६२ औँ मिनेटमा सैमुअल ओमोरोडियनले गोल गर्दा ग्रानडा १–१ को बराबरी गर्दै खेलमा फर्किएको थियो ।

त्यसपछि दोस्रो हाफको ६७औँ मिनेटमा एथ्लेटिकोका मेम्फिसले गोल गर्दै खेललाई २–१ को स्थितिमा लगे । त्यसपछि अतिरिक्त समयमा मार्कोसले गरेको गोलसँगै एथ्लेटिको मड्रिड ३–१ ले विजयी भयो ।

यो जितसँगै एथ्लेटिकोले ३ अंक बनाएको छ ।