काठमाडौँ– कप्तान क्रिस्टियानो रोनाल्डोको पेनाल्टी गोलको सहयोगमा साउदी क्लब अल नासर अरब क्लब च्याम्पियन्स कप २०२३ को फाइनलमा प्रवेश गरेको छ ।
गएराति भएको सेमिफाइनलमा इराकको अल शोर्तालाई १–० गोले हराउँदै अल नासर उपाधि भिडन्तमा स्थान बनाउन सफल रह्यो ।
खेलको ७५औँ मिनेटमा अल नासरले पेनाल्टी प्रहार गर्ने अवसर पाएको थियो । त्यसलाई कप्तान रोनाल्डोले उपयोग गर्दै गोल गरेपछि फाइनलको यात्रा तय भएको हो ।
साडियो मानेलाई इराकी क्लबका फैसल जसीम नफिल अल मनाले फल गरेपछि अल नासिरले पेनाल्टी पाएको थियो ।
अब अल नासिरले शनिबार साउदीकै अल हिलालसँग उपाधिका लागि खेल्नेछ ।
प्रतिक्रिया