खानपान र जीवनशैलेले अचेल मानिसहरु आफ्नो स्वास्थ्यप्रति त्यति गम्भीर भएको देखिदैन । जब रोग देखापर्छ अनि मात्र उनीहरु उपचारका अस्पताल धाउने गर्छन् ।

तर, खानपानमा विशेष ध्यान दिने हो भने त्यस्ता समस्याहरु देखिँदैनन् । खानपानकै कारण कतिपयको पिसाव खुलेर नआउने वा कम आउने, पिसाव पोल्ने गर्दछ । विभिन्न यौनरोग हरुको संक्रमणबाट, कुनै विष वा कडा औषधिका कारण तथा पत्थरीका कारण पनि पिसाव पोल्ने गर्दछ ।

पिसाव पोलेको रोकथामका लागि गरिने केही घरेलु उपायहरु यस प्रकार रहेका छन् –

• बोटैमा पाकेको अर्गानिक आप १ हप्ता सम्म दिनको दुइवटा सेवन गर्नाले धेरै पिसाबका रोगहरु निको हुन्छन् ।
• गाजरको रस साँझ बिहान १,१ गिलास सेवन गर्नाले पिसाव पोल्न कम हुन्छ ।
• दुई चम्चा धनिया बेलुका भिजाउने र बिहान उठेर मिश्रीसँग सेवन गर्नाले पनि पिसाव पोल्न कम हुन्छ ।
• पिसाव पोल्ने रोगीले प्रशस्त पानी पिउनुका साथै छारयुक्त पदार्थको सेवन गर्नुपर्छ ।
• हर्रो बर्रो र अमला चूर्णं एक गिलास पानीमा बेलुका भिजाइ बिहान बिहान सेवन गर्ने गरेमा पनि पिसाव पोल्न कम हुन्छ ।
• दत्तिवनका केही पात वा डाँठहरुलाई पानीमा पकाउने र त्यसमा हर्रो बर्रो र अमला चूर्ण समेत मिलाइ नियमित १५ दिन सेवन गरेमा पिसाव सम्वन्धी धेरै समस्या ठीक हुन्छन् ।
• हरेक दिन साँझ बिहान नरिवलको पानी सेवन गर्नाले पनि पिसाब सम्बन्धी रोग निको हुने गर्दछ ।
• तरकारीमा मेथीको साग सेवन गर्दा पिसाव पोल्ने समस्या कम हुन्छ ।
• फलफुलमा आलुवखरा, अंगुर, पाकेको आँपको रस सेवन गर्नाले पनि पिसाव पोल्ने समस्या कम हुन्छ ।