काठमाडौं-इङ्ग्लीस क्लब म्यान्चेस्टर युनाइटेडले स्टार खेलाडी रोमेलु लुकाकुका लागि इन्टर मिलानको प्रस्ताव अस्वीकार गरेको छ ।

मिलानले युनाटेडसँग लुककुका लागि ६० मिलियन युरोको प्रस्ताव ल्याएको थियो । तर, युनाइटेडले आफ्ना स्टार स्टाइकरलाई ६० मिलियन युरोमा बेच्न चहाएन । युनाइटेडले अपेक्षा गरेको भन्दा कमको प्रस्ताव आएपछि युनाइटेडले लुकाकुलाई नछाडेको जनाइएको छ ।

२ वर्ष अगाडि एभरटनबाट युनाइटेडमा आएका लुकाकुका लागि युनाइटेडले ७५ मिलियन पाउण्डमा भित्र्याएको थियो । शनिबारको सरुवा बजारमा इन्टरका प्रशिक्षक एन्टोनियो कोन्टेले लुकाकुलाई टिममा लिन असफल भएपनि अझै पनि आफ्नो पहिलो नम्बरमा लुकाकु नै रहेको बताएका छन् ।

‘मैले उनलाई राम्रो खेलाडीका रुपमा लिएको छु । जसले हाम्रो टिममा राम्रो सुधार गर्न सक्छन्,’ प्रशिक्षक कोन्टेले भने,‘मेरो तर्फबाट उनी हाम्रो टिममा आउनेमा आशावादी छु ।’