एजेन्सी– शाहीद कपूरको फिल्मी करियरमा ‘कबीर सिंह’ले निकै हाइप लिएको छ । यसैलाई नै अहिलेसम्मकै सफलता मानिएको छ । यही सफलतापछि शाहीद कपूरले यतिबेला आफ्नो पारिश्रमिक बढाएका छन् ।

भारतीय सञ्चारमाध्यमले जनाएअनुसार अभिनेता शाहीद कपूरले पारिश्रमिक ३ करोडबाट ३५ करोड पुर्‍याएका छन् ।

फिल्म ‘कबीर सिंह’ शाहीद कपूरको पहिलो शोलो हिट फिल्म हो । यस फिल्मले बक्स अफिसमा कसैले नसोचेको सफलता हासिल गरेको छ । जसका कारण फिल्मले शाहीद कपूरलाई एकाएक सुपरहिट अभिनेता सावित गरिदियो ।

फिल्मका लागि शाहीदले आफ्नो पारिश्रमिक ३० करोड पुर्‍याएका छन् । शाहिदलाई ‘कबीर सिंह’ का लागि जम्मा ३ करोड रुपैयाँ पारिश्रमिक दिइएको थियो । शाहीद कपूरको फिल्म ‘कबीर सिंह’ ले अहिले पनि बक्स अफिसमा राम्रो प्रदर्शन गरिरहेको छ । फिल्ममा उनी एक रिसाहा सर्जनको भूमिकामा देखिएका छन् ।

रिसाहा र पागल प्रेमी बनेका शाहीदको प्रेमिकाको रुपमा अभिनेत्री कियारा अड्वाणीको अभिनय रहेको छ । यो फिल्म साउथ फिल्म‘अर्जुन रेड्डी’ को हिन्दी रिमेक हो । शाहीद र कियाराका साथै फिल्ममा अर्जुन बाजवा, सुरेश ओबेरोय, कामिनी कौशल, आदिल हुसैन र निकिता दत्ताको अभिनय रहेको छ ।