ढाका- बंगलादेशले भारतको सहयोगमा पूर्वाधारका तीन वटा परियोजना निर्माण गर्ने भएको छ । बंगलादेशी प्रधानमन्त्री शेख हसिनाको भारत यात्राका क्रममा यसबारे टुङ्गो लाग्ने बंगलादेशको समाचार संस्था बंगलादेश संवाद संस्था बीएसएसले जनाएको छ ।

प्रधानमन्त्री हसिनाले यही सेप्टेम्बरमा जी २० को शिखर सम्मेलनमा सहभागी हुन भारतको भ्रमण गर्ने कार्यक्रम छ । उनको भारत भ्रमणका क्रममा दोस्रो मैत्री सुपर थर्मल उर्जा केन्द्र, ६५ किलोमिटर लामो खुल्ना मोङ्ला बन्दरगाह रेल लिंक र अखाउरा र अगरतादा रेल लिंकको परियोजना सुरु गरिने जनाइएको छ ।

बंगलादेशका लागि भारतीय उच्चायुक्तको कार्यालयका प्रमुख प्रणय वर्माले प्रधानमन्त्री हसिनासँग भेटवार्ता गरी परियोजनामा सहकार्यबारे जानकारी गराएको भारतीय समाचार संस्था एएनआईले जनाएको छ ।