नयाँ दिल्ली- सन् २०७५ सम्ममा भारत विश्वको दोस्रो ठूलो अर्थतन्त्र बन्ने प्रक्षेपण सार्वजनिक भएको छ । अमेरिकी बैंक गोल्डम्यान स्याक्सले जारी गरेको प्रतिवेदनमा सन् २०७५ सम्म भारतीय अर्थतन्त्र विश्वको दोस्रो ठूलो बन्ने उल्लेख गरिएको छ ।

प्रतिवेदनमा त्यसबेलासम्म भारतीय अर्थतन्त्रले जापान र जर्मनी मात्र नभई विश्वको महाशक्ति अमेरिकालाई पनि पछाडि छोड्ने जनाइएको छ ।

प्रतिवेदनमा भारतको जनसङ्ख्या १ अर्ब ४० करोड पुगेकोले सोही अनुसार कुल गार्हस्थ्य उत्पादन पनि तीव्र गतिमा बढ्ने अनुमान गरिएको छ । भारत अहिले जर्मनी, जापान, चीन र अमेरिकापछि विश्वको पाँचौं ठूलो अर्थतन्त्र हो ।

प्रतिवेदनमा भारतको द्रुत रूपमा बढ्दो जनसङ्ख्याबाट श्रम शक्तिमा पनि श्रमिकहरुको सहभागिता बढ्ने अनुमान गरिएको छ ।