काठमाडौँ– वायुसेवा कम्पनीहरूले आजदेखि लागु हुनेगरी हवाई भाडामा ६ प्रतिशत वृद्धि गर्ने भएका छन् ।
सरकारले मूल्य अभिवृद्धि कर लगाएको भन्दै नेपाल वायुसेवा सञ्चालक संघले प्रेस विज्ञप्ति जारी गरी आन्तरिक उडानमा भाडा वृद्धि गर्ने जानकारी दिएको हो ।
आन्तरिक उडानका वायु सेवा प्रदायक कम्पनीले हवाई भाडादरमा समावेश गरी मूल्य अभिवृद्धि कर उठाउने भएका हुन् ।
सरकारले आर्थिक वर्ष २०८०–८१ को बजेटमा हवाई यातयाात सेवालाई अनिवार्य रूपमा मूल्य अभिवृद्धि करमा दर्ता हुनुपर्ने व्यवस्था गरेको छ ।
एयरलाइन्सले मूल्य अभिवृद्धि कर उठाएसँगै आन्तरिक उडानको हवाई भाडा गर्नुपरेको यती एयरलाइन्सका प्रवक्ता सुदर्शन बर्तौलाले बताए ।
प्रतिक्रिया