नयाँ दिल्ली– जापानका पूर्वप्रधानमन्त्री योशिहिदे सुगाले भविष्यमा भारतसँगको आर्थिक सम्बन्ध अझ मजबुत हुनेमा आफू विश्वस्त रहेको बताएका छन् । जापान–भारत संघको अध्यक्षसमेत रहेका पूर्वप्रधानमन्त्री सुगाले भारत भ्रमणका क्रममा द्विपक्षीय सहकार्य आगामी दिनमा अझ सशक्त हुनेमा आफू विश्वस्त रहेको बताएका हुन् ।

भ्रमणका क्रममा पूर्वप्रधानमन्त्री सुगाले भारतीय प्रधानमन्त्री नरेन्द्र मोदीसँग भेटवार्ता गरेका थिए । उक्त भेटवार्तामा उनले दुई मुलुकबीचको सम्बन्धका विविध विषयमा चर्चा गरेको भारतीय सञ्चारमाध्यमले जनाएका छन् ।

भारतीय समाचार संस्था एएनआईका अनुसार सुगाले भारतको आर्थिक वृद्धिबाट आफूहरु प्रभावित भएको भन्दै भारतीय लगानीकर्तालाई जापानका निजी कम्पनीहरुसँग सहकार्य गर्न समेत आग्रह गरे ।