काठमाडौँ– एसीसी मेन्स इमर्जिङ टिम्स एसिया कप प्रतियोगिता आजदेखि श्रीलंकामा सुरु हुँदैछ । प्रतियोगिता अन्तर्गत आज समूह ‘ए’ का दुई खेल हुनेछन् ।

श्रीलंकाको कोलम्बोस्थित सिंहालिस स्पोर्ट्स क्लबमा हुने पहिलो खेलमा श्रीलंका ए र बंगलादेश ए ले प्रतिस्पर्धा गर्नेछन् । खेल नेपाली समय अनुसार बिहान सवा १० बजे सुरु हुनेछ ।

आजको खेलमा दुवै टोलि सुखद सुरुवात गर्ने उद्देश्यका साथ मैदानमा उत्रने छन् ।

यस्तै, आजै हुने अर्को खेलमा अफगानिस्तान ए र ओमान ए भिड्ने छन् । यी दुई टोलीबीचको खेल कोलम्बो क्रिकेट क्लबको मैदानमा बिहान सवा १० बजे नै सुरु हुनेछ । दुवै टोलि आजको खेल जित्दै सुखद सुरुवात गर्न चाहन्छन् ।

समूह ‘बी’ मा रहेको नेपालले भोलि पाकिस्तान ए सँग खेलेर प्रतियोगिताको सुरुवात गर्नेछ । यस्तै, नेपालले जुलाई १७ मा भारत ए सँग र जुलाई १९ मा यूएईविरुद्ध खेल्ने छ ।